نادان شاش
|
|
|
^_^ ئابدۇرىھېم ئۆتكۈر ^_^
توسما مېنى يار، چېكەي بىر نەپەس،
ئۆرگۈلدى پەلەك ، تاماكا بايان :
ئەمەستى ماڭا چېكىش بىر ھەۋەس،
كۆيىدۇ يۈرەك ، تاماكا بايان . 
يانار تاغ ئىچى بولغاچقا يالقۇن،
دائىم ئۈستىدىن كەتمەيدۇ تۈتۈن.
ھەيران قالمىغىن چىقسا ئاغزىمدىن
كۆكۈچ چەمبىرەك ، تاماكا بايان .
بىلىمەن دىلدار ، يۇتىمەن زەھەر،
تېگەر ھەر سائەت يۈرەككە نەشتەر.
ۋە لىكىن شۇنى ئىستەيدۇ كۆڭۈل ،
ئەمەسمەن گۆدەك ، تاماكا بايان .
سارغايدى دىمە رەڭگىمنى جانان،
نىكوتىن ئەمەس مېنى سارغايتقان.
بىغىمنى كەچكۈز بورىنى باسسا،
سولمامدۇ چېچەك ، تاماكا بايان .
قاچانكى باقسام غەمكىن كۆزۈڭگە،
ئاچچىق ياشلىرىم تولۇر كۆزۈمگە.
قايغۇ- ئەلەمنى باسىمىش دەيدۇ،
شۇ كۆكۈچ تۈتۈن، تاماكا بايان.
توسما مېنى يار ، چېكەي بىر نەپەس،
چەكمەي دىسەممۇ ، بۇ مەيلىم ئەمەس.
مەيلى ئەمەسمۇ شۇ زەھەر بىلەن ،
سەگىسە يۈرەك ،تاماكا بايان.
1948-يىل 12 - دېكابىر، ئۈرۈمچى
ئەسلى مەزمۇننى كۆرۈش كۆرلىشى47
